西甲 C朗2分鐘搞掂巴塞 皇馬封王!

图片16.png
C朗用唔夠2分鐘,就為皇馬砌低巴塞奪標!皇馬於煞科戰憑C朗火速打開紀錄,最後2:0殺敗馬拉加,巴塞同一時間雖贏伊巴,但依然飲恨,皇馬繼2012年後再次西甲封王,史上第33次捧走聯賽冠軍,依家歐洲三冠王叫緊胡!

西甲煞科,皇馬同巴塞鬥到最後一輪,皇馬作客馬拉加,巴塞主場對伊巴。皇馬因為領先3分嘅關係,隻要打和馬拉加就一定封王。皇馬上半場表現對辦,開波2分鐘唔夠,伊斯高交個靚直線,C朗單刀過埋門將建功,銀河艦隊火速打開紀錄。馬拉加雖然無欲無求,但球隊踢來好搏命,其中辛度拉美利斯表現活躍,佢一個勁靚罰球,搞到基羅拿華斯飛盡先撲出,之後佢再次射門省到人,僅僅柱邊出界。C朗於較後時間亦有機會入多粒,但可惜佢於禁區近射角度太正,畀對手門將卡文救出,半場皇馬領先1:0。

巴塞方麵,除要寄望皇馬輸波之外,仲要主場爭氣擊敗伊巴,不過球隊攻極唔入之餘,仲要於8分鐘失守,對手日本中場乾貴士入波,半場爆大冷領先1球。

換邊後皇馬繼續進攻,55分鐘C朗接應死球硬射,卡文尼雖然救出,但賓施馬執雞成功,皇馬擴大紀錄成2:0。呢邊贏到2球,巴塞就輸到2球,乾貴士殺入禁區左腳勁射眉底彈入,巴塞落後2球。跟手巴塞展開反擊戰,首先有尼馬埋門中柱,搞到對手擺烏龍入番球,跟手蘇亞雷斯追平,之後美斯射入12碼完成反先,雖然最後贏4:2完場,不過皇馬無驚無險,以2:0擊敗馬拉加,最後以37戰29勝6和3負積93分成續,以3分壓倒死敵巴塞,自12年後再一次捧走西甲冠軍,繼早前取得世冠盃後,若嚟緊歐聯決賽贏祖雲達斯,就可以做歐洲三冠王!

東網體育同你追實體壇每個精彩時刻!
http://bit.ly/2ecTF2A
原文地址:http://hk.on.cc/hk/bkn/cnt/sport/20170522/bkn-20170522035201494-0522_00882_001.html

arrow
arrow
    全站熱搜

    viskoly 發表在 痞客邦 留言(0) 人氣()